कमलामाई नगरपालिकाकाे आयाेजनामा वडा नं १३ स्थित वयरवनमा मिति २०७८ साल बैशाख १३ गते देखी नगर उप प्रमुख श्री मञ्जु देवकाेटाज्यूकाे अध्यक्षतामा सीप तथा व्यवसायीकता विकास सम्वन्धी (बाख्रापालन) ७ दिने तालिम सुरुवात भएकाे छ ।

उक्त तालिममा कनपा वडा नं १३ र १४ का विपन्न वर्गका २० जना कृषकहरुकाे सहभागिता रहेकाे छ । तालिममा कमलामाई नगरपालिका पशु विकास शाखाका प्रमुख मिन बहादुर थापाले प्रशिक्षण दिनुभएकाे छ । तालिममा सहभागी कृषकहरुले तालिम पश्चात व्यवसायी बाख्रा पालन गरि आफ्नाे जिवन स्तरोन्नती गरुन भन्ने कार्यक्रमकाे मुख्य उद्धेश्य रहेकाे छ । सहभागी कृषकहरुलाई व्यवसाय स्थापना खर्चकाे लागी तालिम लिए पश्चात १५ हजार अनुदान दिने कार्यक्रमकाे याेजना रहेकाे छ ।

उक्त उद्धघाटन कार्यक्रममा कनपा वडा नं १३ र १४ का वडा अध्यक्ष, सामाजिक विकास शाखाका शाखा प्रमुख, कर्मचारी, गुराँस महिला सहकारीका प्रतिनिधि र कृषकहरुकाे सहभागी रहेकाे थियाे । तालिम मिति २०७८ साल वैशाख १९ गते सम्म संचालन हुने छ ।