कमलामाई नगरपालिकाले आज मिति २०७७ मंसिर ०७ गते नगर क्षेत्र भित्र रहेका बेङ्कहरुसँग सामाजिक सुरक्षा भत्ता वितरण कार्यलाई थप व्यवस्थित गर्न छलफल गरेको छ । नगर प्रमुख खड्ग बहादुर खत्रीको अध्यक्षता मा प्रमुख प्रशासकीय अधिकृत विशकसेन ढकाल, लेखा अधिकृत टेकेन्द्र कुमार कार्की, सेवा ईकाईका MIS OPERATOR, फिल्ड सहायक सहित ११ बैङ्क का शाखा प्रवन्धकहरुको उपस्थिती रहेको थियोे ।

नगरको तर्फबाट सामाजिक सुरक्षा भत्ता खाने लाभग्राहिलाई खुला मनले सहयोग गर्नुपर्ने वताउनुभयो । अशक्त व्यक्तिहरुलाई विना कष्ट पैसा वितरण गर्नु पर्ने र अशक्त को नाममा स्वस्थ मान्छेको सिफारिस कसैले गर्न नहुने नगर प्रमुख खडग खत्रीले बताउनुभएको छ ।

त्यसै गरि वडा नगर र वैङ्क ३ निकायका कर्मचारी ले मृत्यु भएका र पेन्सनधारी लाभग्राहिलाई फिल्टर गर्नुपर्ने प्रमुख प्रशासकीय अधिकृत विशकसेन ढकालले अावश्यक निर्देशन दिनुभयो ।
त्यसै गरि लेखा अधिकृत टेकेन्द्र कुमार कार्कीले सामाजिक सुरक्षा भत्ता वचत गर्नको लागि बैङ्किङ प्रणाली वाट वितरण नगरिएको कारण सबै पैसा आर्थिक वर्षको अन्तिम असार मसान्तसम्म निकाली सक्नु पर्ने अन्यथा रकम फिर्ता हुने जानकारी दिनुभयो ।

बैठकमा भत्ता वितरणलाई सहजता बनाउन सवै बैंङकले प्रतिबद्धता व्यक्त गर्नुभएको छ ।